بدون نصائح .. هذه نصائحنا للطقس الليلة وصباح الغد إن شاء الله
خالد سلامة – أخبار كندا – هوا تورونتو
ونحن على مشارف شهر مارس لازال الطقس يمارس هوايته مع الكنديين .. خاصة هنا في أونتاريو ومن يعرف البحر فإنه يدرك التشابه الكبير ما بين حالة البحر وحالة الطقس .. الاثنان يحبان التقلب
مش مهم .. احنا كمان جاهزين لتقلب الطقس .. والليلة تحديدا لازم نفكر بعض كيف سيكون الطقس خلال مساء الخميس صباح الجميع خاصة وأن الجمعة يوم عمل
يوم عمل يعني أن حضرتك سوف تذهب للعمل أو المدرسة في الصباح الباكر وعندما نقول الباكر هناك بالفعل من يبدأون يومهم حوالي الساعة الخامسة صباحا قبل حتى ظهور الأضواء الأولى للنهار قبل الفجر يعني والله يعين الجميع
ماذا نتوقع الليلة وغدا ؟
الليلة مساء الخميس .. برد .. جدا .. مش بالضبط مثل الأسابيع الماضية ولكنها ديب فريز أيضا حاليا درجة الحرارة ” البرودة ” 6 تحت الصفر ” مايناس” ومن المتوقع أن تنخفض درجتين إضافيتين عند الصباح
نعم نعم .. المهم .. حاضر .. يوجد ثلج .. سنو يعني تساقط للجليد سيبدأ حوالي العاشرة مساء الخميس ويستمر حتى حوالي العاشرة من صباح الجمعة ومن المتوقع كمية تتراوح ما بين خمسة إلى عشرين حسب المكان يعني كلما اقتربنا من الشمال .. زاد الثلج
طبعا مش محتاج أقول خلاص لأن حضراتكم أصبحتم خبراء .. جليد خلال الليل يعني وجع ظهر ع الصبح ونشيل الجليد .. ونملح مش بس كده .. مشوار الصبح إللي بتاخده في نصف ساعة محتاج ساعة ونص
إذا بدون نصائح من عندنا .. أيوه ..تمام .. نقوم بدري شوية علشان عندنا تنضيف عربيات على الأقل لأنه عيب نمشي والجليد على ظهر السيارة ومغطي الزجاج ومش عيب بس ممكن تاخد مخالفة والأهم من ده كله سلامتكم على الطريق لأن الجليد على السيارة ممكن يسبب حوادث ومفاجأة غير مدروسة
مع تمنياتنا بويك إند سعيد .. تحياتي خالد سلامة
Who
